Presentación de traballos
Anímate a participar no CIPIES-25 compartindo coñecementos, experiencias e propostas que contribúan ao desenvolvemento da nosa profesión e á mellora da sociedade.
Animámoste a presentar os teus traballos en calquera das dúas modalidades dispoñibles:
-
Simposio: Se coordinas un grupo de investigación ou traballas nun proxecto colectivo, podes propoñer un simposio que agrupe varias contribucións arredor dun tema común vinculado co congreso.
-
Comunicación: Se tes un estudo, experiencia ou reflexión que desexes compartir, podes presentar unha comunicación para compartir en torno aos eixos temáticos que estruturan o congreso.
Dá a coñecer o teu traballo e contribúe a un diálogo enriquecedor que impulse o cambio social a través da educación.
Eixos temáticos
Simposio
Pódense propoñer simposios autoorganizados relacionados cos eixos temáticos do Congreso:
-
Cada simposio centrarase nun tema arredor do que xirarán todas as achegas. Terá que estar formado por 3/4 achegas, que deberán ser de polo menos dúas universidades e/ou institucións distintas, valorando positivamente a participación conxunta dos ámbitos académico e profesional. Poderán presentarse en galego, castelán ou portugués.
-
Cada simposio contará cunha persoa coordinadora, que será a encargada de realizar e enviar a proposta, axilizar a súa presentación e establecer a comunicación coa Organización do Congreso. Tamén debe participar nalgunha das contribucións que compoñen dito simposio.
-
Todas as persoas asinantes das achegas deberán inscribirse no Congreso e abonar a correspondente taxa de inscrición.
-
A proposta de simposios poderá realizarse ata o 16 de febreiro. Farase a través do formulario habilitado na páxina web, cunha extensión de entre 1500 e 2000 caracteres cada contribución, sendo esta a proposta para a súa publicación no Libro Virtual de Actas do Congreso con ISBN.
-
As propostas recibidas estarán suxeitas a revisión por pares a dobre cego. No caso de que o número de propostas valoradas positivamente sexa superior ao número de espazos dispoñibles, consideraranse por rigorosa orde de recepción e en función da atención ás directrices dadas. O Comité Científico do Congreso comunicará a súa decisión sobre a aceptación dos simposios propostos antes do 10 de marzo.
-
A duración total de cada simposio será de 1 hora e media. Realizarase presencialmente no día/hora/espazo previamente comunicado, seguindo as suxestións indicadas pola Comisión Organizadora. A persoa coordinadora será a encargada de dinamizar o seu desenvolvemento. Expedirase un certificado como ponencia de simposio para todas as persoas integrantes.
-
Cada autor/a poderá participar cun máximo de dúas contribucións (dúas comunicacións, dúas ponencias en simposio ou unha presentación en simposio e unha comunicación).
Comunicación
Poderanse propoñer comunicacións (investigacións, experiencias, revisións sistemáticas, etc.) relacionadas cos eixos temáticos do Congreso:
-
A proposta de comunicación poderá realizarse ata o 16 de febreiro. Realizarase a través do formulario habilitado na páxina web, cunha extensión de entre 1500 e 2000 caracteres, sendo esta a proposta de achega para a súa publicación no Libro Virtual de Actas do Congreso con ISBN. Poderán presentarse en galego, castelán e portugués.
-
As propostas de comunicación recibidas serán obxecto de revisión por pares a dobre cego. No caso de que o número de propostas avaliadas positivamente sexa superior ao número de espazos dispoñibles, consideraranse por rigorosa orde de recepción. O Comité Científico do Congreso comunicará a súa decisión sobre a aceptación das comunicacións propostas antes do 10 de marzo.
-
Os/as autores/as indicarán o eixo temático no que se enmarca a comunicación, pero existe a posibilidade de que o Comité Organizador a modifique en función de criterios de contido ou compensación de espazos de comunicación.
-
Todas as persoas asinantes da comunicación deberán inscribirse no Congreso e abonar a taxa correspondente.
-
A presentación de cada comunicación realizarase presencialmente no día/hora/espazo previamente comunicado, en formato de diálogo, xerando un espazo de intercambio de investigacións/experiencias entre quen comunica e as persoas participantes. A persoa comunicadora responsable de cada constribución deberá destacar no tempo asignado 2/3 ideas clave do seu traballo (sen soporte de PowerPoint), a partir das que se xerará o posterior debate e intercambio de ideas. Expedirase un certificado de comunicación.
-
Cada autor/a poderá participar cun máximo de dúas contribucións (dúas comunicacións, dúas ponencias en simposio ou unha presentación en simposio e unha comunicación).
Publicación en Octaedro
As contribucións dos simposios e comunicacións aceptadas e presentadas no Congreso poderán ser propostas polos seus autores como capítulo de libro, que será publicado pola editorial Octaedro en 2026 en formato ebook:
-
As propostas de capítulos poderán enviarse entre o 1 de xuño e o 30 de outubro de 2025 ao seguinte correo electrónico: cipies@ceesg.gal. Estarán en castelán e deberán cumprir rigorosamente as instrucións recollidas no modelo elaborado para tal fin, facilitándose unha plantilla.
-
Co fin de garantir os estándares de calidade necesarios da publicación, o Comité Científico do Congreso, mediante revisión por pares a dobre cego, poderá solicitar as modificacións necesarias na proposta, así como, se é o caso, rexeitar a súa publicación.
-
Un mesmo autor/a só poderá aparecer como asinante dun capítulo. Todos os autores/as deberán estar previamente inscritos no Congreso. Suxírese que o título do resumo da contribución ao Congreso e o título posterior do capítulo do libro non coincidan.
