Comunicacións que abordan a investigación e a práctica desa educación social dirixida a mellorar as condiciones de vida das persoas e comunidades, dende os servizos sociais ou outros espazos.

Búscase a reflexividade teórica, a investigación e a práctica profesional en torno aos enfoques de benestar, calidade de vida e garantía –e conquista– de dereitos.

Interesan aquelas estratexias de desenvolvemento e fortalecemento comunitario que poñen no centro a vida (saúde, coidados, natureza) así como o labor de acompañamento ás persoas na superación de dificultades en diferentes ámbitos de vida.

​

Comunicacións que traten sobre a comprensión e abordaxe das múltiples formas de diversidade (cultural, racial, sexual, de xénero, funcional, de idade, etc.) e as súas interseccións, dende unha mirada práctica ou investigadora. Este eixo céntrase en como as diferenzas sociais e identitarias se cruzan para crear experiencias únicas de discriminación ou privilexio, e como a educación social pode accionar e funcionar como aliada para fomentar unha sociedade máis inclusiva, xusta e garante de dereitos. Acolle tamén todas aquelas comunicacións referidas á acción socioeducativa con colectivos atravesados por estes eixos.

​

Comunicacións que exploren enfoques pedagóxicos destinados a cuestionar e transformar as estruturas sociais, políticas e económicas que danan o noso espazo de vida e relacional, que perpetúan a desigualdade e limitan o acceso a dereitos das persoas e colectivos. Este eixo céntrase en ofrecer liñas de investigación e prácticas nas que a educación social pode ser unha ferramenta para o cambio social, promovendo o pensamento crítico, a emancipación e a acción colectiva, en favor de sociedades xustas e sostibles, no local e no global. Teñen cabida tamén neste eixo as prácticas investigadoras de carácter crítico e participativo.​​

Comunicacións que exploren o corpo, a expresión artística ou o uso dos medios audiovisuais como ferramentas pedagóxicas e de intervención social. Este eixo céntrase no uso creativo e expresivo do corpo e das artes para promover a inclusión, o benestar e o cambio social, así como nas posibilidades e impacto dos medios audiovisuais na educación. As tecnoloxías xa non son só unha ferramenta de traballo. O virtual é hoxe en día espazo de socialización, participación e encontro; así como de aparición de novas vulnerabilidades. Destacan as investigacións que nos permiten explorar estos espazos. 

​

​

Comunicacións que traten sobre novos espazos, retos e prácticas que están a xurdir no campo da educación social debido aos cambios sociais, tecnolóxicos e culturais. Este eixo responde á capacidade da educación social para adaptarse e responder a contextos emerxentes que afectan á vida das persoas e das comunidades.

​